«Йөртүче кыз рульдә килеш баласын ашата». Уфада машина таптаган хатын белән бала үлгән
39
Башкортстанның Уфа шәһәрендә бүген көндезге икенче яртылар тирәсендә Nissan Juke машинасы ике җәяүлене таптый, имгәнгән кешеләр – хатын-кыз белән 6 яшьлек бала урында ук үлә. Бу турыда «Башинформ» хәбәр итте.
Әлеге фаҗигане тикшерүне прокуратура контрольгә алган.
Nissan Juke белән 28 яшьлек хатын-кыз идарә итә. Ул үз баласын ашатып алырга дип, игътибарын юлдан читкә юнәлтә, аннары кешеләрне бәрдергәч, педальләрне бутый һәм газга баса. Машина йөртүче хатын-кыз бу турыда үзе сөйләгән.
«Якынча белешмә буенча, хатын-кыз яшел төскә сул якка борылганда ике җәяүлене бәрдерә, алар җәяүлеләр кичүе аша чыгып бара торган була», – дигәннәр Эчке эшләр министрлыгында